नेपाल चलचित्र तथा सांस्कृतिक प्रतिष्ठानको आयोजनामा हुँदै आएको  नेपाल अन्तर्राष्ट्रिय चलचित्र महोत्सव (निफ) को सल्लाहकारमा अभिनेत्री नम्रता श्रेष्ठलाई मनोनयन गरेको कुरा आयाेजक संस्थाका अध्यक्ष के पि पाठकले जानकारी दिएका छन् । डेढ दशकदेखि नेपाली चलचित्रमा अनवरत रुपमा सकृय अभिनेत्री श्रेष्ठको चलचित्र छनौट क्षमता र अभिनय कला प्रशंसनीय रहेको कुरा अध्यक्ष पाठकले बताए ।

आउँदो चैत २ देखि ६ गते (मार्च १६–२०) सम्म हुने  ‘नेपाल अन्तर्राष्ट्रिय चलचित्र महोत्सव’ (निफ) को छैंठौं संस्करणमा यस बर्ष ‘निफ’मा  ३५ देशका ९५ लामा, छोटा, डकुमेन्ट्री तथा एनिमेटेड चलचित्र मध्येबाट ७ विधामा १४ वटा पुरस्कार वितरण गरिने कुरा पनि पाठकले बताए  । 

 अन्तर्राष्ट्रिय स्तरको चलचित्र महोत्सव ‘निफ’मा एक दर्जन जति रचनात्मक कार्यक्रम (गोष्ठी, अन्तरक्रिया) समेत आयोजना गरिने छ भने यी सबै कार्यक्रममा सल्लाहकारको हैसियतमा अभिनेत्री श्रेष्ठको सक्रियता रहने  विश्वास अायोजक संस्थाको रहेको छ ।

स्मरणीय कुरा के हो भने ‘निफ’को प्रमुख सल्लाहकारमा विशिष्ट अभिनेता तथा निर्देशक नी शाह रहेका छन् भने अभिनेता सुनिल थापा, निर्देशक छिरिङ रितार शेर्पा र भारतीय फिल्मका ख्यातिप्राप्त लेखक तथा समीक्षक प्रेमेन्द्र मजुमदार पनि सल्लाहकारको रुपमा रहेका छन् ।

Categorized in सिनेमा