विश्वव्यापी रुपमा फैलिएको कोरोना भाइरस (कोभिड–१९) को नयाँ भेरियन्ट नेपालमा पनि तिब्र रुपमा फैलिरहेको कारणले गर्दा अग्रपंक्तिमा रहेर पत्रकारिता गर्ने आम संचारकर्मीहरुमा समेत कोरोनाको जोखिम दिनानुदिन बढिरहेको छ । यस्तो अवस्थामा संघले आफ्ना सम्पूर्ण सदस्यहरुलाई सुरक्षित भई संचारकर्ममा लाग्न अनुरोध गरेको छ ।     

चलचित्र पकार संघ नेपाल केन्द्रिय समितिको बैशाख ३० गते भर्चुअल माध्यमबाट बसेको बैठकले अध्यक्ष दीनेश सिटौलाको संयोजकत्वमा संघका उपाध्यक्ष  जीवन लुइटेल र महासचिव समिर बलामि दुई सदस्य रहने गरि चलचित्र पत्रकार कोरोना विशेष समन्वय समिति पनि गठन गरेको छ । यस समितिले चलचित्र पत्रकारहरुको  वर्तमान  अवस्था, कोरोना संक्रमित पत्रकारहरुको सुरक्षा र उपचारका लागि समन्वय, सहकार्य र सहजीकरणमा  कार्य सम्पादन गर्नेछ ।  यसका साथै   चलचित्र पत्रकारहरुले आफ्नो अवस्थाको बारेमा समितिसँग समन्वय गर्न पनि संघले अनुरोध गरेकोछ ।

साथै संघको बैठकले जेष्ठ ७ गतेको २२औं राष्ट्रिय चलचित्र पत्रकारिता दिवस तथा बार्षिक उत्सबको अवसरमा प्रदान गरिने सम्मान तथा पुरस्कार कार्यक्रम कोरोनाका कारण यो बर्ष पनि स्थगीत गर्ने निर्णय गरेको छ । उक्त कार्यक्रमलाई उपयुक्त समय वा अर्को बर्ष निरन्तरता दिने निर्णय बैठकले गरेको   कुरा संघले जनाएको छ भने जेष्ठ ७ गते भर्चुअल माध्यमबाट बार्षिक उत्सबको अवसरमा शुभकामना आदान प्रदान गर्ने निर्णय समेत बैठकले गरेको कुरा संघले जनाएको छ ।

Categorized in सिनेमा