काठमाडौँ महानगरपालिकाले सम्भावित आगलागीका घटना नियन्त्रण गर्न र घटना भइहाले क्षति कम गर्न, दमकललाई थप प्रभावकारी बनाउन र आवश्यक उपकरणको खरिद तथा दमकल जान नसक्ने ठाउँमा पाइपको व्यवस्था गर्ने भएको छ । महानगरभित्र विभिन्न स्थानमा दमकललगायत विपद् व्यवस्थापनका लागि चाहिने उपकरणको व्यवस्थापन गरिने नगर प्रमुख विद्यासुन्दर शाक्यले बताउनुभयो । उहाँका अनुसार महानगरका विभिन्न स्थानका गल्लीभित्र दमकल जान नसक्ने हुँदा पानीको पाइपको व्यवस्थापन हुनेछ । दमकल जान सक्ने ठाउँसम्म गएपछि जान भित्रि चोकहरुमा यीनै पाइपमार्फत पानीको फोहरा पठाउने महानगरको योजना छ । त्यस्तै, विपद् आउनासाथ पानी जुटाउन नसकिने हुनाले त्यसको पूर्वतयारी गरिने उहाँको भनाइ थियो । उहाँले भन्नुभयो, “विपद् व्यवस्थापनका लागि सामुदायिकस्तरमा वर्षात्को पानी सङ्कलन गर्ने ट्याङ्की निर्माण गरिनेछ ।” आगलागीसँगै अरु विपद् व्यवस्थापन गर्नसमेत योजना बनाइएको महानगरले जनाएको छ । सर्वसाधारणलाई पर्नसक्ने जोखिमलाई न्यूनीकरणका लागि जोखिम अवस्थामा रहेका पेट्रोल पम्प तथा ग्यास स्टेशन हटाउने नीति लिएको प्रमुख शाक्यले बताउनुभयो । प्रकृतिक प्रकोपका कारण बसोबास गर्न नमिल्ने भएका घरहरुलाई सम्पत्ति छुट दिने महानगरको योजना छ । यस्ता छुट भएका घरबाट मानवीय क्षति हुन नदिन अनिवार्य रुपमा भत्काउने व्यवस्था लागू गरिने उहाँले बताउनुभयो । उहाँले भन्नुभयो, “त्यसका लागि पहिले भूकम्प, बाढी, आगलागीलगायतका प्रकोपका कारण जीर्ण भएका घरहरुको