सन् २०१० मा कीर्तिपुरमा    ससः द नेवाः र पछि …ससः त्वाः हस्पिटालिटी प्रा.लि. को पाइलाबाट सुरु भएको  यात्रा, आज …गौरवता नेपाल को रूपमा एउटा फराकिलो सोच बनेर अगाडि आएको छ ।    भूकम्प, नाकाबन्दी र महामारी जस्ता अनेकौँ कठिन समयहरू भोग्दै   ती चुनौतीहरूका बीच पनि  सधैँ हाम्रो देश, हाम्रो संस्कृति, हाम्रो भाषा र हाम्रो परम्पराका कुराले ऊर्जा दिइरहेकाे बताउँदै गौरवताका धनी भएको र अझ अगाडी बढिरहने कुरा ससः ग्रुपले अगाडि सारेको छ  । 

यही सफलताबाट हाैसलान्वित भएर गौरवता नेपाल परियोजनाको औपचारिक सुरुवात यहीँ  अक्टोबर १० तारिख असाेज २४  का दिन कीर्तिपुर काे  ल्याबाेरेटरी स्कुल काे खेल मैदानमा   नेपालको शान र गौरवता बोकेको चर्चित लोक–आधुनिक ब्यान्ड …नेपथ्य को भव्य सांगीतिक कन्सर्ट पनि गर्न लागेको छ । साथै, सोही दिन  आधिकारिक वेबसाइट gaurabata.com को पनि औपचारिक शुभारम्भ गर्ने घाेषणा गरेको छ    ।   नेपालको कला, संस्कृति र पहिचानलाई विश्वभर प्रवद्र्धन गर्ने यो अभियानमा जोडिन र याे कार्यमा  हौसला दिन, सम्पूर्णलाई  निमन्त्रणा पनि गरेको छ   र  हामी सबै मिलेर हाम्रो धनी सम्पदाको संरक्षण गरौँ र गर्वका साथ नेपाललाई विश्वसामु पुर्याऔँ र एकै श्वरमा भनौ हामी गौरवताका धनी छौँ भन्ने अभियानमा अघि बढाैं भनी ससः ग्रुपले आह्वान गरेको छ ।

Categorized in उपत्यका