नेपाल सरकार सञ्चार तथा सूचना प्रविधि मन्त्रालय चलचित्र विकास बोर्डको आयोजनामा सम्माननीय राष्ट्रपति रामचन्द्र पौडेलको प्रमुख आतिथ्यमा राष्ट्रपतिको कार्यालय शीतल निवासमा  राष्ट्रिय चलचित्र पुरस्कार २०८१ भव्य रुपमा सम्पन्न भएको  छ ।  बुधवार सम्पन्न भएको ‘राष्ट्रिय चलचित्र पुरस्कार तथा सम्मान समारोह  २०८१’ मा अभिनेता विपिन कार्की र अभिनेत्री स्वस्तिमा खड्का उत्कृष्ट अभिनेता-अभिनेत्री घोषित भएका छन्। कार्कीले ‘प्रसाद २’ चलचित्र र खड्काले ‘दिमाग खराब’ चलचित्रबाट पुरस्कार प्राप्त गरेका हुन् ।  यस्तैगरी नेपाली चलचित्र इतिहासको पहिलो चलचित्र ‘आमा’ चलचित्र मा अामा को शिर्ष भुमिकामा अभिनय गरेकि   अभिनेत्री चैत्यदेवी सिंहलाई चलचित्र दीर्घ साधना सम्मान प्रदान गरिएको छ ।

सो समारोहमा उत्कृष्ट निर्देशकको पुरस्कार चलचित्र ‘दिमाग खराब’को लागि निश्चल बस्नेत जिते। सबैभन्दा धेरै पुरस्कार जितेको ‘बुलाकी’ले उत्कृष्ट चलचित्रसहित लेखनमा राजबहादुर साने र छायाङ्कनमा शिव ढकालले प्राप्त गरे। 

चलचित्र विकास बोर्डका अध्यक्ष दिनेश डिसी सभापति र सञ्चार तथा सूचना प्रविधि मन्त्री पृथ्वी सुब्बा गुरुङ विशेष अतिथिको रूपमा रहेको सो  समारोहमा नेपाली चलचित्र क्षेत्रका दिग्गज कलाकार, निर्माता, निर्देशक तथा पत्रकारहरूको सहभागिता रहेको थियो।

अवार्ड विजेताहरूको सूची:

• उत्कृष्ट चलचित्र: बुलाकी

• उत्कृष्ट अभिनेता: विपिन कार्की (प्रसाद २)

• उत्कृष्ट अभिनेत्री: स्वस्तिमा खड्का (दिमाग खराब)

• उत्कृष्ट निर्देशक: निश्चल बस्नेत (दिमाग खराब)

• उत्कृष्ट सम्पादक: मित्र डी गुरुङ (महाजात्रा)

• उत्कृष्ट छायाकार: शिव ढकाल (बुलाकी)

• उत्कृष्ट लेखन: राजबहादुर साने (बुलाकी)

• उत्कृष्ट आदिवासी मातृभाषी चलचित्र: लोजिमा (लिम्बु भाषा)

निर्णायक समिति प्रोत्साहन पुरस्कार

• अभिनेत्री: स्वस्तिमा कार्की (टुल्की)

• व्यावसायिक चलचित्र: जारी

विशेष योगदान सम्मान

• तैय्यव शाह – कलाकार

• कृष्ण प्रसाद रायमाझी – प्रदर्शक

• नारायण प्रधान – द्वन्द्व निर्देशक

• विद्या कार्की – कलाकार

• नरेन्द्र महर्जन – प्रदर्शक

• नन्द किशोर प्रसाद श्रीवास्तव – कलाकार/निर्माता

• भोज बहादुर गुरुङ – निर्देशक/निर्माता

• अमुल कार्की ढली – सङ्गीत संयोजक

• ध्रुव कुमार श्रेष्ठ – प्रदर्शक

• बुद्धि तामाङ – कलाकार

• सबिता गुरुङ – कलाकार

विशेष चलचित्र पुरस्कार

सतीदेवी, सुगुप (लिम्बु भाषा), र मार्कली (गुरुङ भाषा)

चलचित्र दीर्घ साधना सम्मान चैत्यदेवी

Categorized in सिनेमा