काठमाडाैं – विभिन्न संवैधानिक निकायमा सिफारिस भएका पदाधिकारीको संसदीय सुनुवाइ नहुने भएको छ ।

संवैधानिक परिषद् बैठकले ३० मंसिरमा नै विभिन्न संवैधानिक निकायमा पदाधिकारीको सिफारिस गरेको थियो भने सो सिफारिस विवादमा तानिएको  छ । 

यहीबीचमा राष्ट्रपति विद्यादेवी भण्डारीले संसद् विघटन गरेपछि संसदीय सुनुवाइ विशेष समिति अस्वित्वविहीन बनेकाले सुनुवाइ नहुने भएको हो । 

सचिवालयका प्रवक्ता रोजनाथ पाण्डेले संसदीय सुनुवाइका लागि संसद सचिवालयमा आयुक्तहरूको नाम सिफरिस भए पनि समितिको अस्तित्व नभएका कारण सुनुवाइ नहुने बताए । प्रतिनिधिसभा र राष्ट्रिसभाको संयुक्त समिति भए पनि प्रतिनिधिसभा विघटन भएकाले बैठक बस्न नसक्ने उनको भनाइ छ ।

विभिन्न संवैधानिक आयोगहरूमा ४५ जनाको नाम सिफारिस भएको छ । 

Categorized in राजनीति