मनकामना जाँदै गरेकाे बस दुर्घटना, पाँचकाे मृत्यु
Janjati Khabar – Janjati Khabar | २०७९ कार्तिक १३, आइतबार
काठमाडौं - पाल्पाको रामपुरबाट गोरखाको मनकामना जाँदै गरेको ना६ख ७५८० नम्बरको बस नवलपरासीपूर्वको बुलिङ्टार गाउँपालिका–२ मथारमा दुर्घटना हुँदा पाँच जनाको मृत्यु भएको छ ।
इलाका प्रहरी कार्यालय बुलिङ्टारका अनुसार सो दुर्घटनामा परी २५ जना घाइते भएका छन् ।
सो बस आज बिहान ४ बजे दुर्घटना भएको थियो । दुर्घटनाका घाइतेलाई उद्धार गरी चितवन ल्याउने तयारी भइरहेको जनाइएको छ ।
घटनाका सम्बन्धमा थप विवरण आउन बाँकी छ ।
Categorized in अपराध-दुर्घटना
