विजयरत्न असंबरे

---

कोरोना भाइरस कोभिड १९ को माहामारी फैलिरहेको यो समयमा लकडाउनको कारणले प्रभावमा परेका पत्रकारहरुलाई उपत्यका सरोकार मञ्च तथा उपत्यका व्यापि सडक विस्तार पीडित संघर्ष समितिले सघाएको छ । उक्त संस्थाहरुले दाल, चामल, आँटा, दालमोठ, लाखामरी, चिउरा, चिनी, तरकारी गरी १९ थरी खाद्य सामग्री उपलब्ध गराएको हो । ती सामग्री नेवाः पत्रकार राष्ट्रिय दबूको संयोजनमा आवश्यकताको प्राथमिकताका आधारमा वितरण गरिने पत्रकार राष्ट्रिय दबूले जनाएको छ । उपत्यका सरोकार मञ्च र उपत्यका व्यापि सडक विस्तार पीडित संघर्ष समितिका अध्यक्ष सुमन साय्मि, उपाध्यक्ष विद्या श्रेष्ठ, सचिव रविन्द्रकुमार श्रेष्ठ र सदस्य विकासबाबु श्रेष्ठले सो हस्तान्तरण गर्नुभएको हो । पत्रकार राष्ट्रिय दबूका केन्द्रीय अध्यक्ष सुरजबीर बज्राचार्य, ललितपुर जिल्ला अध्यक्ष सागर महर्जन र ललितपुर जिल्ला कार्यसमिति सदस्यहरुको प्रतिनिधि मण्डलले सहयोग ग्रहण गरेका थिए भने आवश्यक परेका काठमाडौं उपत्यकाका नेवाः पत्रकारहरुलाई वितरण गर्ने प्रतिबद्धता व्यक्त गरेका थिए । यसैबीच किर्तिपुर नगरपालिकाले पनि पत्रकारहरुका लागि सहयोग गरेको छ । नगरपालिकाले चामल, दाल लगायतका दैनिक जीवनका अत्यावश्यक सामग्री सहयोग गरेको हो । Categorized in उपत्यका