काठमाडौं – कोरोना भाइरस (कोभिड – १९) सम्बन्धी उच्चस्तरीय समन्वय समितिले लकडाउन लम्ब्याउन सिफारिस गरेको छ । समितिको आइतबार बसेको बैठकमा लकडाउन लम्ब्याउनु बाहेकको विकल्प नभएको निष्कर्ष निकालेको छ । यस विषयमा आइतबार साँझ बस्ने मन्त्रिपरिषद्को बैठकले निर्णय गर्ने भनिएको छ । जेठ १५ गतेसम्म लकडाउन लम्ब्याउन सकिने जनाइएको छ । यसअघि सरकारले जेठ ५ गते सोमबारसम्म लकडाउने गर्ने निर्णय गरेको थियो । पछिल्लोपटक कोरोना संक्रमणको कारण मृत्यु भएको पुष्टि हुन थालेपछि सरकारल लकडाउन लम्ब्याउने निर्णयमा पुगेको हो । Categorized in राष्ट्रिय