सरकारविरुद्ध नेपाल विद्यार्थी संघको प्रदर्शन
Janjati Khabar – Janjati Khabar | २०७७ कार्तिक १६, आइतबार
काठमाडौँ – आफ्नो संगठनका नेता कार्यकर्ताहरुलाई बिना कारण पक्राउ गरी झुठा मद्दा लगाइएको भन्दै नेपाल विद्यार्थी संघले प्रदर्शन गरेको छ ।
षडयन्त्रपूर्वक नेताहरुमाथि धरपकड गरेको, यातना दिने र झुठा मुद्दा लगाउने काम सरकारले गरेको भन्दै नेविसंघले प्रदर्शन गरेको हो ।
नेविसंघका कार्यकर्ताहरुले काठमाडौंको भृकुटीमण्डपमा भेला भएर प्रदर्शन गरेका हुन् ।
प्रदर्शनमा सहभागीहरुले ‘जनस्वास्थ्यमा खेलवाड गर्न पाईदैन, भ्रष्ट सरकार चाँहिदैन’, ‘अधिनायकवादको सरदार, केपी ओलीको सरकार’, ‘झुठा मुद्दा खारेज गर’ भन्दै नाराबाजी गरेका थिए ।
प्रदर्शनमा सहभागीहरुले भौतिक दूरी भने कायम नगरेको पाइएको छ । उपत्यकामा कोरोना संक्रमणको दर बढिरहेको भए पनि नेविसंघको प्रदर्शनमा सहभागीहरुले भौतिक दुरी कायम नगरी प्रदर्शन गरेका हुन् ।
उनीहरुले कोरोना पीडित जनताको उपचारका लागि सरकार उदासीन देखिएको नेविसंघको भनाइ छ ।
Categorized in राजनीति
